سن الطفوله

size=24]center]
ياعين هلي دمعتس اليـوم ياعيـن
وارثـي حيـاةٍ ماضيـة ماتعـودي
وقتٍ مضى عشت ابرياض وبساتين
ما شلت فيه الحمل فوق الزنـودي
سن الطفولة يـوم لعبـي يسليـن
طفلٍ صغيرٍ واهتني فـي رقـودي
كنت احسب انّ اللعب دومٍ مخاوين
كنت احسب انّ الخير دومٍ يسـودي
ماكنت احسب الليـل ليّـه يجافيـن
ماكنت احسب الوقت ليّـه يلـودي
طفلٍ مع اطفـالٍ وباللعـب لاهيـن
واقلوبنا بيضـا ولاهيـب سـودي
ماهوب وقت اليوم ناس امتعاديـن
شانت وصارت حاسدٍ وامحسـودي
تلونت بيـض القلـوب ابتلاويـن
واصبح صفيّ القلب شخصٍ حقودي
وزين الطبايع ضاع مع جملة الشين
بدا التخلي عـن مبـاد الجـدودي
وصرنا نشيل الكرّه بالشر ساعيـن
قـل الـذي بالحـب دومٍ يجـودي
وصرنا نعيش ابغابتن فيها غاديـن
ضعنا مابين افهودهـا والقـرودي
وصرنا نعيش ابلا عقولٍ مجانيـن
العقـل ماينفـع ولافيـه فــودي
لاصرت طيّب قلب قالـوا مسيكيـن
ولاصرت عايف شر قالوا شرودي
ناس تبسّـم لـي ولاهـي تدانيـن
تسعى بدّس السم وسـط الكبـودي
وقل الرفيق اللي بطيبـه يماشيـن
ابن الكرام اللي وثيـق العهـودي
وصار الجفا والغدر بين المحبيـن
واللي وفا يلقـى جزاتـه جحـودي
انشهـد ان الوضـع هـذا معنيـن
جنيت شوكن عقب قطف الورودي
شتان بين امسٍ وقبل امس والحين
والعمر ينقص ياعـرب مايـزودي
ليت الحياة ادور وترجعبي اسنيـن
ويصير همي لعبي ابـلا حـدودي