[center]--------------------------------------------------------------------------------
فهذه القصيده هديه مني لكل من يمر عليها ويسعدني بمروره الكريم
وهي بعنوان قصيده الحب
0
0
0
يا هلا باللي بيوته عـبَّـرتـني واعتبرني
في بيوته ساقها لي سوق بيتٍ خلف بيت
مرحبا في مرحبا من هاجس ٍ طيفه خطــَرني
أبتدى في خاطري وأنا على نهجه بديت
مرحبا باللي جـبَـر **ر المشاعر ثم جـبَـرني
حشمةٍ لك في مسيرك من مشيت ليا لفـيت
لو تعسر بيوتك العذبات قافك ما عـسَـرني
لو تقـسّـطها علي ورّدتها لك " كومبليت "
أنت خابرني ولا اظنك بعدها تختبرني
من بعد طول الغياب اللي غدى بك وش لقيت ؟
جابتك الاشواق وإلا حظي العاثر نصرني
سجة ٍ وإلا على درب الموده أهتديت ؟
يا قصيد الحب وإن كانه بعد غيبه ذكرني
عـلــّـمه يا كم تعبت و علمه يا كم شقـيت
علمه يا كم سـبَـرته يوم غـبت ولا سـبَـرني
من ورى حزم القطاعه غبت عني و اختـفـيت
علمه إن الهوى عقـبه دمَـرني ما عـمَـرني
هاجس الذكرى معايه لا سرَحت ولا ضويت
أنتظر حظي ولكن حظي اللي ما انتظرني
صابر ٍ صبر الجمال و ماشكيت ولا اشتكيت
الزمن بـيّـح بـ سـدّي في صروفه واحتضرني
عايش ٍ بين الخلايق لا بحي ّ ولا بمـيْـت
والزمن لو هو زجرني والزمن لو هو نهَـرني
لو زجرني لو نهرني ما نهيت ولا انتهيت
كم تعلمت الدروس وليتها لو تعتبرني
كم خذيت وكم عطيت وكم كتبت وكم قريت
كم **بت وكم خسرت وكم خذول ٍ قد عـثرني
كم عرفت وكم جفيت وكم هدمت وكم بنيت
يا نعيم العود من فضلك علي عاود و زرني
انت لي نبض الحنان وكل ملجا وكل بيت
انت يا حب ٍ فراقه بدد الحال و ضمرني
اتلهـّـم كل ذكرى بين " لو " و بين " ليت "
للشاعر
عادل البدراني الدوسري
الإثنين أبريل 11, 2011 8:13 pm من طرف زائر
Ahlamontada 
موضوع: قصيدة حب 
